mathrubhumi Posted on: 07 Oct 2010
പാലക്കാട്: കാട്ടാനകളുടെ ആക്രമണം ചെറുക്കാന് മലമ്പുഴയിലെ കര്ഷകര് സ്വന്തമായി വൈദ്യുതവേലികള് സ്ഥാപിച്ചു. വേലികള് സ്ഥാപിച്ചതോടെ മലമ്പുഴ പഞ്ചായത്തിലെ പന്നിമട അടക്കമുള്ള പ്രധാന കൃഷിയിടങ്ങളിലെ കാട്ടാനകളുടെ ആക്രമണം കുറഞ്ഞതായി കര്ഷകനായ മോഹന്ദാസ് പറഞ്ഞു. മലമ്പുഴ പഞ്ചായത്തിലെ ഏകദേശം നൂറേക്കര് കൃഷിയിടത്തിലാണ് കര്ഷകര് കമ്പിവേലികള് സ്ഥാപിച്ചത്. 30 കര്ഷകര് വിവിധ ഗ്രൂപ്പുകളായി ചേര്ന്ന് വൈദ്യുതവേലികള് സ്ഥാപിക്കയായിരുന്നു. കാട്ടാനശല്യം ശക്തമായതോടെയാണ് കര്ഷകര്ക്ക് സ്വന്തമായി വൈദ്യുതവേലികള് സ്ഥാപിക്കാന് ഒരുവര്ഷം മുമ്പ് വനംവകുപ്പ് അനുമതിനല്കിയത്. ഇതിനുശേഷം മലമ്പുഴയിലെ കര്ഷകരാണ് ആദ്യമായി വൈദ്യുതവേലി സ്ഥാപിച്ചത്.
12 ഗേജുള്ള കമ്പി ഒരുവരിയായി കൃഷിയിടത്തിന് ചുറ്റുംവലിച്ച് വൈദ്യുതി പ്രവഹിപ്പിക്കയാണ് കര്ഷകര് ചെയ്യുന്നത്. മൂന്നുനിര കമ്പിയാണ് വനംവകുപ്പ് സാധാരണയായി സ്ഥാപിക്കാറുള്ളത്. ചെലവ് ചുരുക്കുന്നതിനായാണ് കര്ഷകര് ഒരുനിര കമ്പിയിലേക്ക് ചുരുങ്ങിയത്. ബാറ്ററിയും ഇന്വെര്ട്ടറും ഇടവിട്ട് വൈദ്യുതി പാസ് ചെയ്യുന്നതിനുള്ള ഉപകരണവുമാണ് വൈദ്യുതവേലിക്ക് ആവശ്യമായുള്ളത്. ഒരേക്കറില് വൈദ്യുതവേലി സ്ഥാപിക്കാന് 5,000 രൂപ ചെലവുവന്നതായി കര്ഷകര് പറഞ്ഞു.
മേട്ടുപ്പാളയത്തുനിന്നാണ് വൈദ്യുതവേലിക്ക് ആവശ്യമായ ഉപകരണങ്ങള് കര്ഷകര് വാങ്ങിയത്. കര്ഷകര് സ്വന്തമായാണ് വേലി സ്ഥാപിച്ചത്. ചെലവുചുരുക്കുന്നതിന് സിമന്റ് തൂണുകള്ക്കുപകരം ഉണങ്ങിയ കമ്പുകളാണ് കര്ഷകര് ഉപയോഗിച്ചിരിക്കുന്നത്.
കാട്ടാനയുടെ ശല്യംമൂലം മലമ്പുഴയിലെ കര്ഷകര്ക്ക് കഴിഞ്ഞ സീസണ്വരെ കൃഷിനാശം രൂക്ഷമായിരുന്നു. പകുതിയിലധികം വിളവ് കാട്ടാന ആക്രമണംമൂലം നശിച്ചിരുന്നു. ഇതിനുള്ള ആദ്യഘട്ട നഷ്ടപരിഹാരമായി ഏക്കര് ഒന്നിന് 19,200 രൂപ കര്ഷകര്ക്ക് ലഭിച്ചിരുന്നു. ഇതാണ് വൈദ്യുതവേലി സ്ഥാപിക്കാന് സഹായകരമായതെന്ന് കര്ഷകര് പറഞ്ഞു. വാളയാര് മുതല് മലമ്പുഴവരെ വൈദ്യുതവേലി സ്ഥാപിക്കുന്ന വനംവകുപ്പിന്റെ ജോലി ഇപ്പോഴും ഇഴഞ്ഞാണ് നീങ്ങുന്നത്. മൊത്തം 20 കിലോമീറ്ററില് 10 കിലോമീറ്ററിന്റെ നിര്മാണമാണ് ഇപ്പോള് നടക്കുന്നത്.
12 ഗേജുള്ള കമ്പി ഒരുവരിയായി കൃഷിയിടത്തിന് ചുറ്റുംവലിച്ച് വൈദ്യുതി പ്രവഹിപ്പിക്കയാണ് കര്ഷകര് ചെയ്യുന്നത്. മൂന്നുനിര കമ്പിയാണ് വനംവകുപ്പ് സാധാരണയായി സ്ഥാപിക്കാറുള്ളത്. ചെലവ് ചുരുക്കുന്നതിനായാണ് കര്ഷകര് ഒരുനിര കമ്പിയിലേക്ക് ചുരുങ്ങിയത്. ബാറ്ററിയും ഇന്വെര്ട്ടറും ഇടവിട്ട് വൈദ്യുതി പാസ് ചെയ്യുന്നതിനുള്ള ഉപകരണവുമാണ് വൈദ്യുതവേലിക്ക് ആവശ്യമായുള്ളത്. ഒരേക്കറില് വൈദ്യുതവേലി സ്ഥാപിക്കാന് 5,000 രൂപ ചെലവുവന്നതായി കര്ഷകര് പറഞ്ഞു.
മേട്ടുപ്പാളയത്തുനിന്നാണ് വൈദ്യുതവേലിക്ക് ആവശ്യമായ ഉപകരണങ്ങള് കര്ഷകര് വാങ്ങിയത്. കര്ഷകര് സ്വന്തമായാണ് വേലി സ്ഥാപിച്ചത്. ചെലവുചുരുക്കുന്നതിന് സിമന്റ് തൂണുകള്ക്കുപകരം ഉണങ്ങിയ കമ്പുകളാണ് കര്ഷകര് ഉപയോഗിച്ചിരിക്കുന്നത്.
കാട്ടാനയുടെ ശല്യംമൂലം മലമ്പുഴയിലെ കര്ഷകര്ക്ക് കഴിഞ്ഞ സീസണ്വരെ കൃഷിനാശം രൂക്ഷമായിരുന്നു. പകുതിയിലധികം വിളവ് കാട്ടാന ആക്രമണംമൂലം നശിച്ചിരുന്നു. ഇതിനുള്ള ആദ്യഘട്ട നഷ്ടപരിഹാരമായി ഏക്കര് ഒന്നിന് 19,200 രൂപ കര്ഷകര്ക്ക് ലഭിച്ചിരുന്നു. ഇതാണ് വൈദ്യുതവേലി സ്ഥാപിക്കാന് സഹായകരമായതെന്ന് കര്ഷകര് പറഞ്ഞു. വാളയാര് മുതല് മലമ്പുഴവരെ വൈദ്യുതവേലി സ്ഥാപിക്കുന്ന വനംവകുപ്പിന്റെ ജോലി ഇപ്പോഴും ഇഴഞ്ഞാണ് നീങ്ങുന്നത്. മൊത്തം 20 കിലോമീറ്ററില് 10 കിലോമീറ്ററിന്റെ നിര്മാണമാണ് ഇപ്പോള് നടക്കുന്നത്.
വടക്കഞ്ചേരി: പാലക്കുഴിയില് നിന്ന് കള്ളത്തോക്കും നാടന്ബോംബും മൃഗങ്ങളുടെ കൊഴുപ്പും പിടികൂടി. ചൊവ്വാഴ്ച വൈകീട്ട് അഞ്ചരയോടെ പോലീസ് നടത്തിയ പരിശോധനയിലാണ് ഇവ പിടിച്ചെടുത്തത്. പീച്ചി വനമേഖലയോടുചേര്ന്നുള്ള ആലത്തൂര് ഫോറസ്റ്റ് റെയ്ഞ്ചിന് കീഴിലുള്ള പാലക്കുഴി പി.സി.എ. ഇല്ലിക്കല് ഫ്രാന്സിസിന്റെ(42) വീട്ടില്നിന്നാണ് നായാട്ടുസാമഗ്രികള് കണ്ടെത്തിയത്. രഹസ്യവിവരത്തെ തുടര്ന്നുള്ള പരിശോധനയിലാണ് ഇവ പിടികൂടിയത്. തിര നിറച്ച ഒറ്റക്കുഴല്തോക്ക്, നാടന്ബോംബ്, മൂന്ന് ബാരല്, എട്ട് വലിയ വെടിയുണ്ട, ഇരുന്നൂറ് തിരകള്, തോക്കിന്റെ പൈപ്പ്ഭാഗങ്ങള്, കാട്ടുപോത്തിന്റെ കൊമ്പുകളുടെ ഭാഗം, വെടിമരുന്ന്, നാലുകുപ്പിയിലടങ്ങിയ മൃഗങ്ങളുടെ കൊഴുപ്പ്, സെര്ച്ച്ലൈറ്റ്, കൈക്കോടാലി, വെട്ടുകത്തി എന്നിവയാണ് പോലീസ്സംഘം പിടിച്ചെടുത്തത്.
തൃശ്ശൂര്: ശക്തന് മത്സ്യമാര്ക്കറ്റില് വില്പ്പന നടത്തിയ ഡോള്ഫിന്റെ ഇറച്ചി വനംവകുപ്പ് ഫൈ്ളയിങ് സ്ക്വാഡ് പിടിച്ചു. 1972 ലെ വന്യജീവി സംരക്ഷണ നിയമപ്രകാരം ഷെഡ്യൂള് ഒന്നില്പ്പെട്ട ഡോള്ഫിനെ പിടിക്കുന്നതും കൊല്ലുന്നതും കുറ്റകരമാണ്. അന്യം നിന്നുപോകുന്ന ജീവകളുടെ വിഭാഗത്തില്പ്പെട്ടതാണ് ഡോള്ഫിനും. ഇറച്ചി നുറുക്കിക്കൊണ്ടിരുന്ന ഷംസുദ്ദീന് എന്നയാളെ വനപാലകര് പിടികൂടി.