വയനാട് നല്ലന്നൂരില്‍ പുലിഭീതി

Posted on: 17 Jul 2010 Mathrubhumi
മൂപ്പെനാട്: പഞ്ചായത്തിലെ മൂന്നാം വാര്‍ഡില്‍പ്പെട്ട നല്ലന്നൂരില്‍ പുലിഭീതി മൂലം പ്രദേശവാസികളുടെ സൈ്വര ജീവിതം നഷ്ടപ്പെട്ടു.രണ്ടാഴ്ചയിലധികമായി രാത്രികാലങ്ങളില്‍ ഇറങ്ങുന്ന പുലി നാലു വളര്‍ത്തുനായ്ക്കളെ കൊന്നു. മറ്റു വളര്‍ത്തു മൃഗങ്ങളെ നോട്ടമിട്ടുവെന്നതിനാല്‍ പ്രദേശവാസികള്‍ ഭീതിയിലാണ്. എന്നാല്‍ വനം വകുപ്പിന് ഇക്കാര്യത്തില്‍ യാതൊരു കൂസലുമില്ല. പുലിഭീഷണി സംബന്ധിച്ച് അറിയിച്ചപ്പോള്‍ വനംവകുപ്പിലെ ചിലര്‍ സ്ഥലം സന്ദര്‍ശിച്ച് കാല്‍പ്പാടുകള്‍ വിലയിരുത്തി പുലിയാണെന്ന് സ്ഥിരീകരിച്ചിരുന്നു.പുലിഭീഷണിക്കെതിരെ നടപടി സ്വീകരിച്ചില്ലെങ്കില്‍ പ്രക്ഷോഭം നടത്താനാണ് പ്രദേശവാസികളുടെ തീരുമാനം. ഇക്കാര്യം ചൂണ്ടിക്കാണിച്ച് കളക്ടര്‍ക്ക് നിവേദനം നല്‍കും.